Nënkryetari i Lidhjes Demokratike të Kosovës, Lutfi Haziri tha se nëse ai do të ishte kryeministër, ai do të pranonte të shkëmbente territore dhe të jepte 17 fshatra rreth Leposaviqit dhe Zubin Potokut në veri të Kosovës në këmbim të Preshevës, Medvegjës dhe Bujanovacit, të cilat ndodhen në jug të Serbisë.
Sipas tij, pas Luftës së Dytë Botërore, këto 17 fshatra u aneksuan në Kosovë, ndërsa Presheva, Bujanovci dhe Medvegja i përkisnin rrethit të Vranjës.
“Fshatrat në Leposaviq, Zubin Potok janë serbe, nuk ka shqiptarë. Për një kohë ata ishin në organizimin territorial të Serbisë. Eshtë demarkacioni i kufirit, korrigjimi teknik i kufirit, nuk mund të quhet ndryshim i kufirit,” tha Haziri.
Ai tha se njoftimet se kufiri me lumin Iber do të ndryshohej ishin të pasakta dhe se ato kishin për qëllim frikësimin e njerëzve.
Ai vlerësoi se “Serbia nuk dëshiron vetëm veriun e Kosovës, por tërë Kosovën”.
“Serbia pretendon të kthejë tërë Kosovën me Rezolutën 1244, të paktën zyrtarisht, dhe vazhdon të gënjejë popullin e vet,” tha Haziri. /tesheshi.com/
