Kreu i Zyrës së BE-së në Tiranë, ambasadori Luigi Soreca, ka paralajmëruar një tjetër erë në luftën kundër krimit mafioz në Shqipëri.
“Lufta kundër krimit është një prioritet për BE dhe Europol. Së bashku me forcat policore të Gjermanisë, Francës, Belgjikës, Spanjës dhe Holandës kemi ngritur rrjetin @ON për të forcuar bashkëpunimin e tyre kundër grupeve kriminale të stilit mafioz, duke përfshirë krimin e organizuar shqiptar
Bashkëpunimi ndërkombëtar do të jetë më i rëndësishëm se kurrë. Për këtë qëllim, dërgimi i një zyrtari ndërlidhës EUROPOL në Policinë e Shtetit nga janari 2019 është një hap i rëndësishëm. Kjo do të ndihmojë në forcimin e mëtejshëm të bashkëpunimit”, shkroi Soreca në Twitter .
Nga ana tjetër EUROPOL ka njoftuar se “do të fillojë një epokë e re në luftën kundër grupeve mafioze”.
Në Shqipëri, debat i brendshëm politik karakterizohet nga akuzat e opozitës në drejtim të pushtetit për rritje të krimit dhe aktiviteteve mafioze, ndrësa qeveria mbrohet duke ofruar shifra e statistika të betejës së pretenduar ndaj tyre. /tesheshi.com/
