Ambasadori i BE-së në Tiranë Luigi Soreca tha se procesi i numërimit nuk duhet të ndërpritet për asnjë arsye.
“Më lejoni të them që procesi duhet të vijojë pa problem dhe vonesa, pasi kemi shumë gjëra për të mësuar dhe qytetarët presin rezultatin.
Zgjedhësit shqiptarë e thanë fjalën e tyre, pavarësisht pandemisë, ka pasur një pjesëmarrje të lartë, kjo është një tregues i mirë i jetës demokratike në Shqipëri”, tha diplomati i Brukselit.
Ai kërkoi gjithashtu që partitë mos shprehen për rezultatin deri në votat e fundit.
“Deri sa të numërohet vota e fundit të presim me qetësi dhe të mos dalim në konkluzione pa u numëruar të gjitha votat në vend”, u shpreh Soreca. /tesheshi.com/
