Ambasadori i BE-së në Tiranë Luigi Soreca, përcolli mesazhin radhës të mbështetjes ndaj Reformës në Drejtësi, e kjo në një kohë presidenti Meta vijon ta godasë. Në Ministerialin rajonal për drejtësinë, i dy vit që mblidhet në Tiranë, ku kryefjalë ka qenë reforma shqiptare në këtë sektor, duke u promovua si model suksesi, Soreca tha se qytetarët mezi po presin formimin e SPAK e BKH-së, si dy instanca ndëshkuese për sferat e larta, deri më sot të paprekshme. Në fjalën e tij, u potencuan dhe milionat e derdhura për Reformën në Drejtësi, si një mesazh plus se ajo nuk mund të frenohet dot.
“Pritshmëria është e lartë që të kemi Gjykatë të Lartë dhe Kushtetuese funksionale. Qytetarët mezi presin krijimin e BHK dhe SPAK. Detyra kolektive është të mos ketë ngadalësim në mes të këtij rrugëtimi. BE do të vazhdojë t’i qëndrojë pranë, dhe gjatë 3 viteve në vijim do të ketë burime të tjera financiare me 42 milionë euro që janë programuar për drejtësisë. dhe 34 milionë euro do t’i jepen Shqipërisë për buxhetin për drejtësinë”, tha Soreca, duke shtuar se “tek kjo reformë i kanë hedhur sytë edhe vendet e rajonit”, e se BE është krenareqë që ka mbështetur Shqipërinë për Reformën në Drejtësi”.
Sipas tij, nëse nuk do ishte kjo reformë, nuk do bëhej fjalë për çelje negociatash.
“Jemi dy javë larg nga vendimi për të ardhmen në Shqipëri, pa reformën në drejtësi Shqipëria do duhej të kishte pritur vite për të ardhur në këtë ditë. Reforma ka hedhur themele shumë të rëndësishme të paanshmërisë llogaridhënies, etj. Shqipëria është e gatshme të lëvizë në një stad tjetër. Çelja e negociatave do të ndryshojë gjithçka për Shqipërinë, procesi i reformës do të jetë i pakthyeshëm”, tha Soreca. /tesheshi.com/
