Ambasada greke në Tiranë organizoi një pritje me rastin e 202-vjetorit të pavarësisë së Greqisë, ku ambasadorja Konstantina Kamitsi pohoi marrëdhëniet shumë të mira mes dy vendeve.
Diplomatja greke theksoi se të dyja vendet, veç fqinjësisë së mirë janë dhe partnerë dhe aleatë të ngushtë, duke theksuar se si minoriteti grek që jeton në Shqipëri dhe komuniteti shqiptar që jeton në Greqi përbëjnë një urë bashkëpunimi mes dy vendeve.
Nën këtë frymë, ajo citoi Ismail Qemalin:
“Më lejoni ta përfundoj fjalën time duke cituar një politikan, intelektual dhe vizionar të madh, babain e shtetit shqiptar, Ismail Qemali, i cili shkruante në gazetën e tij greko-shqiptare ‘Shpëtimi i Shqipërisë’, se grekët dhe shqiptarët ‘ndajnë të njëjtën prerogativë dhe aftësi mendore, për t’u marrë vesh me të gjitha kombet dhe për t’u mësuar me të gjitha vendet dhe të gjitha kushtet klimatike”.
Siç dihet, Ismail Qemali ishte dhëndër në Greqi. /tesheshi.com/
