Njeriu më i gjatë dhe gruaja më e shkurtër në botë sipas Librit të Rekordeve Botërore të Guinness, u takuan të premten për një foto xhirim në piramidat e famshme të Gizës në Egjipt.
Sultan Kösen, nga Turqia, mban rekordin e njeriut më të gjatë të gjallë në botë, me një lartësi prej 246.5 cm, ndërsa Jyoti Amge, nga India, mban titullin Guinness për gruan më të shkurtër në botë, me vetëm 62.8 cm.
Foto xhirimi prodhoi rezultate të pabesueshme, pasi ndryshimi i tyre në gjatësi u bë edhe më mahnitës në afërsi. Në një nga fotot Amge u shfaq pak më e gjatë se shputa e këmbës së Kösen.
Çifti u ftua nga Bordi për Promovimin e Turizmit egjiptian për të vizituar vendet më të famshme të Kajros, në një përpjekje për të ndihmuar në nxitjen e turizmit në vend.
Të dy mbajtësit e rekordeve hynë në Librin e Rekordeve Botërore në vitin 2011. Gjatësia e pazakontë e 35-vjeçarit turk shkaktohet nga një gjendje e quajtur “gigantizëm i hipofizës”, që është rezultat i një mbi-prodhimi të hormonit të rritjes. Amge ndërkohë ka një formë të duarfizmit të quajtur achondroplasia. Për shkak të gjendjes së saj, vajza 24-vjeçare nuk do të rritet më shumë. /tesheshi.com/
