Një gjykatë kroate ka marrë një vendim shumë të çuditshëm, duke ekstraduar në Serbi një qytetar të Republikës së Shqipërisë.
Bëhet fjalë për një qytetar mjaft të njohur siç është Ismail Morina, i mbiquajtur “Ballisti”, i cili ka pohuar se është autori i lëshimit të dronit në stadiumin e Beogradit me flamurin “Autochthonous”.
Ballisti u arrestua në Dubrovnik disa ditë më parë për një sherr banal, por gjykata ka marrë për bazë një urdhër të policisë serbe drejtuar Interpolit për ta ekstraduar në Serbi, si fajtor për dronin.
Morina nuk shkaktoi asnjë dëm apo sulmoi njerëz, megjithatë ai është cilësuar si shumë i rrezikshëm nga autoritetet më të larta serbe.
Vendimi ka alarmuar familjarët e Ballistit, të cilët kërkojnë ndërhyrjen nga shteti shqiptar, pasi sipas tyre është në rrezik jeta e Ismailit, i cili gjithashtu është i pajisur me leje qëndrimi në shtetin Italian./tesheshi.com/
