Që në seancën e parë konstituive për verifikimin e mandateve të deputetëve të ri të përbërjes së re parlamentare, deputeti i Lëvizjes BESA, Zeqirija Ibrahimi ka bërë të ditur se do jetë zëri kritik ndaj gjitha padrejtësive kundër popullit shqiptar.
Kështu, ai në fjalimin e tij deklaroi se në radhë të parë ka hasur në vërejtje që një pjesë e materialeve nuk janë përkthyer në gjuhën shqipe, që hedh poshtë deklaratat e deritanishme të BDI-së se gjuha shqipe është zyrtare.
Ai po ashtu ka kërkuar që të mos i verifikohet, mandati Johan Tarçullovskit, i cili nga Gjykata e Hagës ishte i dënuar për krime lufte, ndaj shqiptare të Maqedonisë, të kryera në Luboten.
Megjithatë, udhëheqësi i seancës tha se ata veprojnë në bazë të rregullores së Kuvendit, dhe nuk mund të kërkohet mos verifikimi i mandatit, pasi Kuvendi punon në bazë të rregullores dhe ligjeve. /tesheshi.com/
