Një prej drejtuesve të Lëvizjes BESA në Maqedoni, Adnan Idrizi, ka shpjeguar gjendjen e vështirë të Ali Ahmetit teksa kanë mbetur dhe dy ditë nga vendimi që duhet të marrë për koalicion qeveritar, nëse do shkojë kah Gruevski apo kah Zaevi.
“Dilema hamletiane: Të jesh ose mos të jesh! Të dorëzosh veten ose shokët, te gjykohesh sot ose nesër, kjo është çështja?! Ditën e diel, BDI duhet që të vendos për fatin e saj dhe jo për ‘fatin e shqiptarëve dhe fatin e Maqedonisë’. BDI është në mes dy zgjidhjeve të pazgjidhshme, nëse bënë koalicion me VMRO-në kërcënohet nga vazhdimi i “bombave” të LSDM-së, nëse koalicionon me LSDM-në kërcënohet nga ‘usb’-të e VMRO-së, pasi kjo e fundit e ka porositur shkurt dhe qartë ‘Nëse ju nuk vini me ne, atëherë ju e dini pjesën tjetër…’. Prokuroria Speciale Publike është shqetësimi tjetër i madh i BDI-së, nëse nuk e përkrah do të akuzohet nga gjithë shqiptarët dhe faktori ndërkombëtar, nëse e përkrah, PSP do të vazhdojë të ngrejë akuza ndaj funksionarëve të saj. Prandaj, të mendosh se BDI bënë përpjekje për jetësimin e Platformës dhe Deklaratës së Përbashkët është jashtë çdo logjike, pasi botërisht është e ditur se BDI ka dertin e shpëtimit të saj dhe jo përfaqësimit të shqiptarëve. Thjesht, askush asnjëherë mos qoftë në lëkurën e BDI-së…”, ka shkruar në FB anëtari i Kryesisë Qendrore të BESËS, Adnan Azizi.
Sipas tij, parimore për BDI-në gjatë negociatave për formimin e qeverisë nuk është jetësimi i Platformës dhe Deklaratës së Përbashkët të partive shqiptare, por si ta shpëtojnë veten më lehtë.
Në fund, Azizi shpreh keqardhje për funksionarët e BDI-së, duke thënë: “Askush asnjëherë mos qoftë në lëkurën e BDI-së”. /tesheshi.com/
