Kreu i PD-së Lulzim Basha, mbajti të parën fjalë këtë të martë në Parlamentin e ri të dalë nga zgjedhjet e 25 qershorit. Ajo pasonte atë të kryeministrit Rama, një ditë më parë, e cila u dallua për notat paqtuese me opozitën. Edhe në pastë qenë demogogji e pastër, frazat ledhatuese të Ramës karshi opozitës, si një përpjekje për të promovuar një moral të ri në politikë sa i përket raporteve klasike pozitë/opozitë, përbënin në vetvete një manifest të padëgjuar deri më sot nga goja e një lideri, qëkur Berisha lëshoi frazën e famshme “bashkëvuajtës e bashkëfajtor”, në nisje të karrierës politike.
Së paku në veshët e lodhur të njerëzve, mu prej egarshanisë politike, kumti paqtues i Ramës ka ngjitur gjithsesi. Kjo, si pikëtakim i fjalëve të tij me atë çka duan në brendinë e tyre njerëzit, një tjetër marrëdhënie, një tjetër fjalor, mes kundërshtarëve politikë.
Por nga ana tjetër, Basha nuk preferoi të njëjtën gjuhë. Edhe pse pozitës ia do puna që të investohet fort në akuza, ai nuk preferoi të jepte shenja të ngjashme të një luajaliteti së paku për kauzën e përbashkët, Shqipërinë.
Duke preferuar gjuhën e njohur tashmë të partisë së tij, por jo themeluar prej tij, e cila ka ngjashmëri edhe në kushte pushteti edhe opozite, në raport me kundërshtarin politik, ku diskretitimi mbetet synim final, Basha nuk surprizoi aspak në fjalimin e tij.
Dhe pas paraqitjes së të dyve, thënia e adaptuar “njëri me bukë e tjetri me gurë”, ishte mëse evidente.
Shihni diferencat:
Frazat e Ramës:
Askush nuk fiton nga diskretidimi i qeverisë shqiptare në botë. Në shumë vende kurrë konkurrentët nuk njollosin njëri-tjetrin. Zgjedhjet nuk fitohen duke nxitur të huajt të deklarojnë sensacione të zymta për vendin që është i të gjithëve. Pushteti nuk merret duke shkuar në Bruksel të ndarë. Dekriminalizimi dhe kanabsi, probleme reale, por u frynë. Opozita luajti një rol në shkundjen tonë ndaj këtyre problematikave.
Edhe opozita ka rolin e saj në rezultatin e sotëm ndaj kanabisit. Problemet t’i zgjidhim njëherë në shqip. Po flitet për krim shqiptar në disa kryeqytete, ndaj kësaj duhet të jemi bashkë. Transparenca është gjë e madhe që na bashkon, por cfarë na pengon të hapim një dialog serioz për të mos vijuar edhe 4 vite në avazin e vjetër, për të mos i lënë këto probleme në rrjedhje të lirë për të gjetur zgjidhje në minutë n e fundit, pasi jemi bërë gazi i botës.
Kush fiton prej nesh kur përballemi me njëri tjetrin. Ne emër të shumicës unë u shpreh sot opozitarëve gatishmërinë për një nisëm të hapur për gjërat që na bashkojnë, paketa e detyrimeve madhore e partive të vërteta dhe politikanëve seriozë të cdo vendi. Shqipëria e bashkua me europën dhe bashkimi i shqiptarëve janë apo nuk janë pjesë e kësaj pakete. Kush fiton nga mosmarrëveshjet, që kthehen në pengesa në rrugën drejt BE. Nuk po flas për Shqipëri të madhe or një popull të vetëm shqiptar, që sot ka dy shtete, është ende larg i lidhur në të drejta dhe detyrime me qëllimet e mëdha dhe i unifikuar në përpjekjet.
Axhendat partiake nuk do të marrin peng rendin e ditës së Kuvendit. Jemi të vetëdijshëm për gabimet dhe defektet tona. Jo armiq, por konkurrentë, shpresoj të jetë kështu edhe për ju. 25 qershori provoi se në Shqipëri nuk fiton kur i fryn konfliktit, akuzon, shan dhe fyen, kush bllokon.
Frazat e Bashës:
“Ky parlament nuk shpreh vullnetin e qytetarëve por tjetërsimin dhe vjedhjen e vullnetit të tyre. Raporti paraprak i OSBE-ODIHR sikundër edhe ai i ministrave teknikë faktojnë shitblerje masive të votave, përdorim të grupeve të strukturuara kriminale, skedimin dhe matrikullimin e shqiptarëve, duke i shantazhuar, intimiduar, frikësuar dhe terrorizuar për t’u blerë varfërinë dhe mjerimin e thelluar nga kjo qeveri”.
Thelbi i marrëveshjes së 18 majit, ishin zgjedhjet e lira dhe të ndershme. Ndaj, dhe zgjedhjet e 25 qershorit shënuan edhe vdekjen e kësaj marrëveshjeje. Aleanca e pandërprerë asnjë cast e Ramanjishit me krimin dhe shitblerja e votave me paratë e drogës dhe të korrupsionit e vranë marrëveshjen dhe rikonfirmuan problemin numër 1 të Shjqipërisë: vjedhjen dhe tjetërsimin e vullnetit të shqiptarëve për hir të pushtetit personal dhe privat të Edi Ramës.
E vetmja gjë që arriti 8 maji është që 450.000 shqiptarë përfaqësohen sot këtu në këtë sallë nga opozita, nga Partia Demokratike. I vetmi sukses i 18 majit është që ti nuk arrite ta emërosh opozitën tënde siç e kishe nisur dhe siç doje ta bitisje
Nëse 25 qershori e vrau marrëvëshjen e 18 majit, 9 shtatori e varrosi atë përfundimisht. Jo vetëm zgjedhja në krye të kuvendit e Gramoz Rucit, të cilit i është ndaluar përjetësisht hyrja në SHBA për shkak të lidhjeve të tij me krimin dhe trafiqet, por edhe akti mafioz i blerjes apo tjetërsimit të 2 votave opozitare, është shprehja më e qartë se në vend të bashkëekzistencës demokratike me kundërshtarin, t’i zgjedh gjithmonë shitblerjen dhe manipulimin.
Përgatiti Ermir Hoxha – /tesheshi.com/
