Ka një lidhje shumë të fortë mes atyre personave që pëlqejnë të lexojnë dhe ndonjëherë, si rrjedhojë, lindin disa histori me të vërtetë të pabesueshme, të cilat nuk të duken aspak si reale kur i dëgjon. Kjo është pikërisht ajo që i ka ndodhur në Las Vegas, një nga ditët që lamë pas, një burri nga San Diego, i cili është i pastrehë dhe jeton në rrugë.
Ai quhet Paul dhe kalon një pjesë të madhe të ditës duke u endur nga njëri cep në tjetrin e duke lexuar libra të vjetër apo çfarë i bie në dorë. Kjo gjë i ka bërë përshtypje një kalimtari, i cili është ndalur dh eka biseduar për pak çaste më Paul. I panjohuri zemërmirë, pasi ka parë dëshirën e zjarrtë të burrit të moshuar për librat, ka vendosur ti dhurojë pajisjen e tij elektronike ku lexon librat, Kindle.
“E pyeta nëse i pëlqen të lexojë. Më tha se e dashuronte leximin dhe se e lexonte të njëjtin libër me dhjetëra herë”,- ka thënë dhuruesi në një email që ka dërguar në The Huffington Post Usa.
Kështu ai vendosi ti bëjë një dhuratë të veçantë Paulit e ti japë pak gëzim. Pasi i bëri një fotografi, e postoi atë në Redidit.
“U ndjeva me të vërtetë shumë i lumtur kur pash se Paul gati sa nuk fluturoi nga gëzimi pasi unë i dhashë një pajisje të tillë”,- tha burri, i cili kishte blerë mbi 300 libra në Kindle dhe që shprehet se i kishte dhënë Paul edhe lekë të tjera për të përvetësuar veprat që donte./tesheshi.com/
