Kryeministri i Kosovës Albin Kurti tha se këshilltarët e tij dhe disa nga ministrat janë duke i shqyrtuar 15 modele për formimin e një komuniteti të komunave serbe, të cilat i ka ofruar përfaqësuesi i Bashkimit Evropian për dialog, Miroslav Lajçak, dhe shtoi se nuk ka compromise që do të bëhet në lidhje me kushtetutshmërinë dhe ligjshmërinë.
Modelet e paraqitura nga i dërguari evropian Lajçak janë zgjidhje të ndryshme për pakicat kombëtare në vendet e Bashkimit Evropian, gjithsej janë të njohura pesëmbëdhjetë prej tyre”, ka thënë Kurti.
“Besoj se këto janë modele nga të cilat ne mund të marrim elementë që në vendin tonë jo vetëm të drejtat e njeriut, por edhe të drejtat e pakicave kombëtare të jenë në nivelin e duhur… Këshilltarët e mi, disa nga ministra janë duke punuar për to që në mënyrë që të përcaktohet se çfarë është më e favorshme. Sigurisht që kushtetutshmëria, ligjshmëria, barazia, funksionimi i shtetit janë diçka për të cilën nuk bëjmë kurrë kompromise”, tha Kurti.
Një raund i ri negociatash
Ai shtoi se para takimit me presidentin e Serbisë Aleksandar Vuçiç në Ohër do të dihet agjenda e bisedimeve.
“Para se të shtunës do të dimë axhendën dhe pikat e përmbajtjes që do të diskutohen aty. Në kuadër të diskutimit për planin e zbatimit të marrëveshjes tashmë të dakorduar sipas propozimit evropian, pa ndryshuar asgjë”, tha Kurti.
Serbia dhe Kosova e pranuan në parim propozimin evropian që do të çonte në normalizimin e marrëdhënieve mes dy palëve pas vitesh tensioni, ndërsa tani duhet të bihet dakord për mënyrën e zbatimit të kësaj marrëveshjeje.
Vija e kuqe për Serbinë është bashkimi i komunave serbe në veri të Kosovës, ndërsa Prishtina mohon që bashkimi i ardhshëm i komunave me shumicë serbe të ketë kompetenca për të bllokuar punën e qeverisë qendrore, duke përmendur shpesh se nuk do të lejojë një “Republika Srpska” të re në Kosovë. /tesheshi.com/
