Një zyrtar i lartë i partisë Likud në Izrael, asaj që qeveris vendin dhe drejtohet nga kryeministri Benjamin Netanjahu, ka financuar dhe mbështetur fushatën anti-Soros të kryeministrit hungarez, Viktor Orban.
Këtë e bën të ditur e përditshmja e Izraelit Jerusalem Post, e cila citon Eli Hazan, shefin e marrëdhënieve me jashtë të partisë Likud.
Ai deklaroi se “George Soros është një njeri shumë i rrezikshëm, ndaj i kam dhënë informacionet e duhura kryeministrit hungarez Orban”.
Njeriu i Netanjahut i ka dhënë Orbanit informacione të fshehta që shërbimi i fshehtë izraelit i dinte për multimiliarderin hebre, i cili ka lindur në Hungari.
Soros ka një influencë të madhe në Hungari, ku fondacioni i themeluar nga ai ka financuar bursat e një numri të madh politikanësh, ndër ta edhe të kryeministrit, Viktor Orban. /tesheshi.com/
