Parlamenti Europian do të hapë një zyrë për Ballkanin Perëndimor në Shqipëri për të forcuar angazhimin e tij në rajon, “në kontekstin e tensioneve të rritura gjeopolitike dhe momentit të ripërtërirë për zgjerimin e Bashkimit Europian”, njoftoi institucioni të hënën.
Zyra e re e Parlamentit Evropian në Tiranë do të shërbejë si një pikë kyçe kontakti për të me parlamentet kombëtare, shoqërinë civile dhe partnerët lokalë në Ballkanin Perëndimor, thuhet në deklaratë.
Promovimi i BE-së
Theksohet gjithashtu se “zyra do të promovojë pozicionet e parlamentit dhe aktivitetet e tij, veçanërisht në lidhje me anëtarësimin në Bashkimin Evropian, dhe do të mbështesë demokracinë dhe reformat institucionale në rajon.”
Ajo do të “ndihmojë në përgatitjet për vizitat zyrtare nga parlamentarët evropianë dhe atë që do të vijë pas atyre vizitave, duke forcuar bashkëpunimin me lojtarët e tjerë evropianë në terren dhe me organizatat ndërkombëtare dhe të shoqërisë civile”, thuhet në deklaratë. /tesheshi.com/
