Në një pyll jo shumë larg Madridit ndodhet një zyrë në formën e një “tubi aerodinamik” me çati prej xhami dhe një dritare të madhe dhe të vetme, e cila përshkon gjithë strukturën.
Ajo që e ka projektuar është një studio arkitekturore spanjolle, Selgas Cano, e cila ka vendosur t’u ofrojë punonjësve të saj një mënyrë tërësisht ndryshe të të punuarit: në natyrë. Veç pamjes së bukur, materialet transparente që përbëjnë strukturën ofrojnë edhe mundësinë e heqjes së shpenzimeve për energjinë, duke shfrytëzuar ndriçimin natyral gjatë ditës.
Zyra është konceptuar në vitin 2006 dhe është përsosur gjatë viteve deri sa ka arritur në gjendjen përfundimtare. Struktura është konceptuar si një bunker mbi tokë, i cili siguron një gradë maksimale të izolimit termik. /tesheshi.com/
