Kërkimet për jetë në planetin Mars nuk ndalojnë. Prej vitesh tashmë, shkencëtarët janë të angazhuar në gjetjen e zonave, të cilat në varësi të karakteristikave morfologjike, mund të mbajnë një formë jete.
Kësaj here bëhet fjalë për një zonë të zbuluar në sipërfaqen e planetit të kuq në formë gypi. Sipas ekspertëve, në të kaluarën ky ambjet mund të ketë pasur jetë si pasojë e një shpërthimi poshtë një akullnaje të lashtë. Bëhet fjalë për një ambjent i cili në të kaluarën ndoshta mund të ketë mbajtur forma jete për shkak të një përzierje temperaturash dhe substantash kimike falë akullnajave dhe llavës.
Këtë e ka konfirmuar një kërkim i bërë nga Universiteti i Teksasit, i publikuar më pas në revistën Icarus. Kërkimi bazohet në pamjet e publikuara nga Mars Reconnassance Orbiter. Zona në formë gypi gjendet në ektremet e gjirit të Hellasit, një zonë e Marsit e pasur me gjurmë akullnajash të lashta. /tesheshi.com/
