Janë paraqitur të heshtur njëri pas tjetrit liderët e diplomacisë botërore në samitin e Vjenës, Kerry, Lavrov, Hammond e pas tij gjermani Steinmeier i cili mbrëmjen e së premtes ishte në krah të Hollond në stadium për ndeshjen Francë-Gjermani, gjatë sulmeve në Paris. Në rresht janë vendosur kështu ministrat e Jashtëm të Shteteve të Bashkuara, Rusisë, Britanisë së Mdhe në hotelin Imperial në Vjenë ku mbahet bisedimet për Sirinë.
Në këto bisedime, në një tryezë me 17 vende, përfshirë Iranin, Turqinë dhe Arabinë Saudite, e me to edhe Bashkimi Europian, Kombet e Bashkuara e Liga Arabe do të tentohet të përcaktohet e ardhmja e Sirisë, tranzicioni politik mbi të cilin do të punohet për t’I dhënë fund luftës që tashmë zgjat prej pesë vjetësh e që është në të vërtetë, vullkani që i jep fuqi militantëve të ISIS. Ky takim merr një domethënie të madhe pas 11 Shtatorit të Francës, ndërsa presidenti Iranian, Rohuani ka shtyrë vizitën në Romë e Paris.
Pas sulmeve terroriste në Paris, janë sauditët që kanë thënë të parët se ajo që ndodhi “dhunon gjithë etikën dhe fenë” ndërsa iraniani Zarif që deri në momentet e fundit kishte hezituar të konfirmonte pjesëmarrjen njoftoi se “i duhet kushtuar e gjithë rëndësia e duhur luftëtarëve të terrorizmit”.
Pika kryesore e diskutimeve, ndërkaq, tashmë nuk është vetëm roli I presidentit sirian, Bashar al Asad që për Shtetet e Bashkuara, Europën, sauditët dhe vendet e Gjirit duhet të largohet, ndërsa Rusia dhe Irani e mendojnë tërësisht ndryshe. Problemi i diskutimeve tashmë janë edhe ndasitë mes sunitëve dhe shiitëve, ndasi që i pohojnë mendimet e ndryshme që ata kanë për tranzicionin e pushtetit në Siri dhe rolin e Assad.
Lufta e Sirisë nuk është më një luftë kundër presidentit të vendit, por është shndërruar në një skenë përplasjeje të fortë mes sunitëve dhe shiitëve, ndërsa klani i Assad i përket këtyre të fundit.
Takimi i Vjenës, pas atij të 30 Tetorit duhet të përafrojë qëndrimet për të gjetur zgjidhje sa më konkrete të mundshme, do të diskutojë për një armëpushim, korridore humanitare dhe ndihmash, por sidomos një zgjidhje politike. Nyja gordiane është pikërisht përcaktimi I fraksioneve legjitime dhe të besueshme të luftëtarëve kundër Assad-it, duke i ndarë ata nga grupet terroriste. Këtu palët supozojnë se ka grupime të tilla, të paktën për Shtetet e Bashkuara, Britaninë e Madhe dhe Arabinë Saudite që i furnizojnë me armë.
Por e gjitha kjo ndodh ndërsa ISIS godet në zemër të Europës dhe vetëm disa ditë nga goditja e dhunshme në një lagje Shiite në Bejrut. Në këtë sulm, ISIS ka vrarë 40 persona, por ngjarja është lënë në hije nga sulmet e Parisit. Ky takim, në fund, vjen ndërsa “armiku” ndodhet tek dera, gati për të shpallur luftë. Edhe për këtë arsye, për momentin e deri në fund të takimit, asnjë nga palët që përfaqësohen në të, nuk ka komente.
Nëse sulmi mbi Francën ka pasur për pretekst pjesëmarrjen e këtij vendi në sulmet ajrore kundër ISIS në Siri, vlen të përmendet se vendimi për këtë pjesëmarrje është marrë nga presidenti Hollande, si një pohim I pavarësisë së politikës së mbrojtjes franceze nga institucionet europiane. Komuniteti ndërkombëtar, ndërkaq i pasuruar me kontributin e aktorëve strategjikë në rajon si Turqia dhe Arabia Saudite, po kërkon sidomos një zgjidhje tranzicioni për Sirinë dhe të hapë rrugën për atë që duhet bërë në një vend, pas sulmeve ajrore, që tashmë është arenë luftimesh prej 5 vjetësh.
Pikat më të ndjeshme janë dukshëm modalitetet e largimit të al Assad nga skena, si dhe menaxhimi i tranzicionit demokratik. Sulmet në Paris shtojnë përgjegjësinë mbi politikën ndërkombëtare, duke nisur nga ministri Kerry tek Lavrov, Zarif, Fabius e Gentiloni. Takimi nis me urgjencën e gjetjes së një zgjidhjeje për Sirinë, ndërsa situata në terren është komplikuar në mënyrë alarmante nga prania e formave të shumta të terrorizmit që është rritur e rritur deri për të ndaluar në dyert e Europës. Deri më 13 Nëntor në Paris.
Përgatiti: Juli Prifti- /tesheshi.com/
