Si pasojë e rrëfimit të të penduarit Klesiv Alla, ëshët zbardhur vrasja e dy vëllezërve Haxhia ndodhur në Durrës një vit më parë, në kohën e karantinës, në një prej ditëve të lirimit të masave.
Sipas dëshmive të tij, raportuar nga Shqiptarja.com, dy persona të tjerë janë arrestuar si ekzekutorë të Besmir dhe Viktor Haxhia.
Ata janë Besian Xhixha dhe Enver Diva, të cilët rezultojnë se janë pajtuar fillimisht nga Nuredin Dumani për të kryer vrasjen e dy vëllezërve.
Thuhet se ata pasi kanë studiuar vendin ku do kryhej vrasja, kanë rënë dakord për të marrë pagesën. Por Enver Divën e ka zënë COVID, gjë që ka shtyrë ekzekutimin.
Për të raportohet se është person me rrezikshmëri të lartë shoqërore, pasi është arrestuar më parë për grabitje argjendarie dhe i arratisur nga burgu i Shën Kollit, ku vuante dënimin me 10 vite burg për grabitje me armë, e më pas i arrestuar nga RENEA në 2013.
Vrasja e dy vëllezërve Haxhia i atribuohet Talo Çelajt dhe Nuredin Dumanin. Sipas të penduarit Klevis Alla, shkak i motivit të vrasjes është bërë një shumë parash, që Talo Çela e kishte vjedhur në grabitjen e famshme të Rinasit. /tesheshi.com/
