Një migrant i dyshuar si pjesëmarrës në një vrasje në Sarajevë është arrestuar në një shtëpi të braktisur në Kosovë dhe po merren masa për ekstradimin e tij, tha policia e Sarajevës.
Policia e Kosovës ka gjetur dhe arrestuar një migrant të paligjshëm të dyshuar për përfshirje në vrasjen e një të riu në Sarajevë javën e kaluar, konfirmoi të premten policia e Sarajevës.
Një deklaratë e policisë tha se pas një kërkimi intensiv, ata vendosën që i dyshuari u largua nga Bosnja pas vrasjes dhe se ai ishte duke u fshehur në Prishtinë.
“Ai u arrestua në një shtëpi të braktisur dhe po merren masa për ekstradimin e tij,” thanë autoritetet policore boshnjake.
Shtetësia dhe mosha e migrantit të arrestuar nuk janë njoftuar. Një maroken i cili është i lidhur dhe ai me vrasjen e Jasmin Beroviç, 36 vjeç, nga Sarajeva, u gjet dhe u arrestua në Beograd të enjten.
Beroviç u vra javën e kaluar kur u përlesh me tre migrantë të paligjshëm, të cilët u përpoqën të hynin me forcë në një kafene në pronësi të vëllait të tij.
Gjatë kacafytjes, migrantët plagosën rëndë edhe dy miq të tjerë të Beroviçit, dhe pas kësaj ata u larguan.
Një i dyshuar i tretë është ende duke u kërkuar. /tesheshi.com/
