Usain Bolt i ka fituar për të tretën olimpiadë radhazi tre garat e shpejtësisë, atë të 100 metrave, 200 metrave, e të stafetës 4×100 metra, diçka që nuk e ka bërë askush më parë.
Fitimi i medaljes së tretë të artë në këto Lojëra Olimpike, e i të nëntës në tërësi, ka ardhur pas garimit në stafetën 4×100 metra. Bolt ka qenë pjesë e katërshes së atletëve nga Xhamajka, që e ka kaluar e para finishin.
Usain Bolt, Asafa Powell, Yohan Blake dhe Nickel Ashmeade e kanë mbyllur vrapimin në stafetën 4×100 metra me kohën 37.27 sekonda, duke lënë pas ekipin japonez, që mori medaljen e argjendtë. Medalja e bronztë u shkoi kanadezëve pas skualifikimit të amerikanëve.
Me nëntë medaljet e arta, Bolt barazohet me të famshmin Carl Lewis, atletin amerikan, si dhe me finlandezin Paavo Nurmi.
Bolt nuk mendohet të marrë pjesë në olimpiadën e ardhshme, kur do të jetë 34 vjeç, duke e mbyllur me nëntë medalje të arta karrierën e tij olimpike. /tesheshi.com/
