Ka marrë një tjetër udhë një grabitje e rëndomtë në dukje, ajo e një pastrueseje shtëpish, te banesat në ët cilat ajo shërbënte.
Kështu, Alda Klosi, një ish-zyrtare e Ministrisë së Financave e gjithashtu në Kryeminstri, është vënë në pranga me urdhër nga Prokuroria, e cila po heton vjedhjen e një sasie prej 120 mijë eurosh në banesën e saj nga pastruesja Rezarta Dobi. Por pos kësaj shumë, të pajustifikuar dot nga poseduesja e tyre, pra Alda Klosi, në shtëpinë e pastrueses janë gjetur dhe 400 mijë euro të tjera, të cilat nuk dihet se të kujt janë, të znj. Klosi apo të dikujt tjetër. Pra, tjetër vjedhjet e pastrueses, për të cilën flitet se e ka bërë këtë proçkë dhe në banesa të tjera ku shërbente, e tjetër sasitë e mëdha të parave që i janë gjetur, të cilave nuk u del kush për zot, pasi duhet të justifikohen se si janë fituar.
Por në një zhvillim të fundit, raportohet se 120 mijë eurot kanë qenë një lojë e znj. Klosi, sipas një pohimi të pastrueses Rezarta Dobi, e cila u ka thënë hetuesve se vjedhja e tyre ishte një sajesë, pasi pronarja, Alda Klosi, ka dashur të vërë nën akuzë bashkëshortin me të cilin ishte divorcuar.
Kështu, shtohen misteret e pikëpyetjet e një sage me në qendër dy gra, njëra zyrtare e tjetra pastruese, mes së cilave janë sasi të mëdha parash për t’u shpjeguar e sqaruar. /tesheshi.com/
