Një vazo porcelani është vjedhur në Berlin, në një punishte-dyqan, me vlerë 65 mijë euro.
Policia e atyshme publikoi foto të enës së grabitur, me emrin “La belle”.
Sipas informacioneve të policisë, vazo është vjedhur gjatë një thyerjeje së dyqanit me produkte porcelani në Friedrichstrasse 158 në Berlin.
Pas vjedhjes, autorët janë larguar me makinë VË Golf të bardhë. Pas pas një aksidenti që patën gjatë arratisjes, atyre iu desh të linin makinën përpara ish-ndërtesës së Këshillit të Shtetit në Schlossplatz në qendër.
“Ata ndoshta kanë vazhduar të ikin në këmbë”, tha policia. Ata lanë një pjesë të plaçkës së tyre në makinë. Megjithatë, ata morën me vete vazon me vlerë 65.000 euro, plaçkën e tyre më të vlefshme.
Sipas policisë, vazo është e lartë rreth 70 centimetra dhe peshon rreth 2.84 kilogramë. Është pikturuar me dorë me motive të ndryshme floreale. Në bazë ka shenjat “1/1”, “D Sj n B 999” dhe simbolin e kuq KPM.
Policia dëshiron të dijë nëse dikush ka parë njerëz duke ecur nëpër qendër të Berlinit me një vazo të madhe apo edhe duke hipur në metro ose S-Bahn në mëngjesin e hershëm të 16 nëntorit. /tesheshi.com/
