I Dërguari Special i BE për Dialog Serbi-Kosovë Miroslav Lajçak dhe Përfaqësuesi Special i SHBA. për Ballkanin Perëndimor Matthew Palmer, do të vizitojnë Prishtinën të hënën dhe të martën.
Një konferencë e përbashkët për shtyp e Lajçak dhe Palmer është planifikuar për të martën.
Nuk dihet nëse Lajçak dhe Palmer do të kenë takime të përbashkëta me autoritetet e Kosovës.
Zyra e BE në Kosovë konfirmoi të premten se Lajçak do të vizitojë Kosovën në 31 maj dhe 1 qershor.
Deklarata tha se ai do të takohej me Presidenten e Kosovëss Vjosa Osmani, Kryeministrin Albin Kurti, Zv.Kryeministrin Besnik Bislimi dhe Ministren e Jashtme dhe Diasporës Donika Gervall.
Palmer do të bashkohet me Lajçak gjatë vizitës.
Vazhdimi i dialogut ndërmjet Serbisë dhe Kosovës
Ambasada Amerikane në Kosovë konfirmoi të premten se Palmer do të jetë në Prishtinë këtë javë.
Burime diplomatike në Bruksel thanë më parë se Lajçak do të bënte një vizitë pune në Serbi këtë javë.
Sipas atyre burimeve, Lajçak duhet të vijë në Beograd në gjysmën e dytë të javës, pasi të ketë vizituar Kosovën.
Vizita është në kontekstin e vazhdimit të dialogut midis Serbisë dhe Kosovës, i cili duhet të mbahet në mes të qershorit në Bruksel.
Takimi është “planifikuar” për 14 ose 15 qershor në Bruksel, por përsëri, siç thuhet, “kryesisht varet nga pikëpamjet e njërit prej pjesëmarrësve në dialog”. /tesheshi.com/
