Shumica e prindërve krenohen me vizatimet e fëmijëve, sidomos nëse janë vetë personazhe të tyre. Por një nënë në SHBA, mund të mos jetë gëzuar dhe aq kur ka parë portretin e saj të vizatuar nga vajza 6-vjeçare.
“Kështu duket mami im në mëngjes”, shkruan vogëlushja, ndërsa ka vizatuar një mama me flokë përpjetë, me sytë të zgurdulluar dhe një shprehje të çuditshme në fytyrë.
Në krah të këtij portreti, ajo ka vizatuar sërish mamin, por kësaj here, si është ajo kur del nga shtëpia” me flokë me volum, qerpikë të gjatë dhe buzë të kuqe.
Edhe veshja është një kontrast i madh në të dyja vizatimet.
Vizatimi është postuar në “Imgur”, ku është klikuar mbi 2 milionë herë.
Disa komentues hedhin dyshimin se mësuesja e priste një rezultat të tillë, kur ka dhënë temën e vizatimit./tesheshi.com/
