Duke përkujtuar 1-vjetorin e vrasjes së 6 muslimanëve në një xhami në Kuebek, kryeministri Justin Trudeau u bëri thirrje kanadezëve që të ngrihen kundër islamofobisë dhe diskriminimit.
Trudeau u ankua se veprimet e urrejtjes dhe diskriminimit janë bërë “të zakonshme” ose “madje të toleruara”, duke thënë në parlament se “nuk është dashur kurrë të vjen puna deri në këtë pikë”.
“Ne nuk mund t’i kthejmë ata që humbën jetën, por ne u detyrohemi atyre që të luftojmë ndjenjat që shkaktuan humbjen e tyre. Ne u detyrohemi atyre që të ngrejmë zërin dhe që të ngritemi në mënyrë eksplicite kundër islamofobisë dhe diskriminimit në të gjitha format e saj”, tha ai .
Më 29 janar 2017, menjëherë pas faljes të mbrëmjes, një person u fut dhunshëm në jë xhami në një lagje të Kuebekut dhe hapi zjarr mbi besimtarët.
Krahas gjashtë besimtarëve që mbetën të vdekur, katër nga viktimat kanë mbetur invalidë në atë që mbetet një nga sulmet më të rënda në një vend adhurimi islam në Perëndim.
Pas kësaj, mijëra njerëz, përfshirë Trudeau, u mblodhën në Kuebek për të shprehur mbështetjen e tyre për komunitetin musliman.
Autori i dyshuar i sulmit, Alexandre Bissonnette, u akuzua zyrtarisht në tetor për vrasjen e gjashtë personave dhe tentativën për vrasjen e 35 besimtarëve tjerë në xhami. Gjykimi i tij është planifikuar të fillojë në fund të marsit. /tesheshi.com/
