Më i pasuri i planetit, Jeff Bezos, po merr pjesë në mbledhjen përkujtimore për gazetarin e vrarë, Jamal Khashoggi. Tubimi që përkon me përvjetorin e eliminimit të kritikut të njohur po mbahet në ish-objektin e konsullatën saudite në Stamboll.
Khashoggi shkroi artikuj që kritikonin princin e kurorës saudite, të cilat u botuan nga Washington Post, gazetë që Bezos e bleu në vitin 2014 për 250 milion dollarë.
Bezos, i cili gjithashtu është pronar i Amazon, asnjëherë nuk e ka komentuar publikisht vrasjen.
Ministria e Jashtme saudite “fshehtas dhe shpejt” shiti konsullatën me një çmim të lirë në shtator, njoftoi transmetuesi HaberTurk.
Të pranishëm në ceremoni janë familjarë dhe kolegë të gazetarit, personalitete turke nga politika dhe mediat, si dhe raportuesja speciale e OKB-së për rastin, Agnes Callamard.
Ngjarja përkujtimore në nder të Jamal Khashoggy filloi në 1:14 – koha e saktë kur i ndjeri hyri brenda dhe nuk doli më kurrë nga aty. /tesheshi.com/
