Duke kujtuar se sot një vit më parë, Kuvendi i Kosovës ratifikoi demarkacionin me Malin e Zi, e cila ofrohej nga Brukseli dhe si kusht për liberalizimin e vizave, media në Prishtinë ka sjellë në kujtesë dhe mesazhin e Mogherinit fill pas votimit.
“Lajm i mirë nga Prishtina, ratifikohet Marrëveshja e Demarkacionit me Malin e Zi. Kosova drejt liberalizimit të vizave për në BE për popullin e saj”, kishte shkruar Mogherini një vit më parë.
Dhe ç’prej një viti nuk ka asnjë liberalizimin e as ndonjë të dhënë paralajmëruese se ai mund të ndodhë shpejt.
Sapo u ratifikua demarkacioni, bashkësia ndërkombëtare ofroi dhe një kusht tjetër, më shumë mballomatik sesa real, siç ishte lufta kundër korrupsionit. /tesheshi.com/
