Këshilli i Sigurisë Kombëtare i Izraelit këshilloi izraelitët jashtë vendit që të mos marrin pjesë në ngjarje të mëdha sportive dhe kulturore javën e ardhshme për shkak të ngjarjeve që ndodhën para dhe pas ndeshjes Ajax-Maccabi Tel Aviv më 7 nëntor në Amsterdam, kryeqyteti i Holandës.
Në një deklaratë, këshilli u kërkoi izraelitëve të qëndrojnë larg demonstratave jashtë vendit, të mos zbulojnë identitetin e tyre izraelit dhe hebre dhe të shmangin ngjarjet e mëdha sportive dhe kulturore javën e ardhshme.
Rreth 4,000 policë dhe xhandarë do të mobilizohen për ndeshjen e Ligës së Kombeve, e cila konsiderohet të jetë me “rrezik të lartë”, mes ekipeve kombëtare të Francës dhe Izraelit në Stade de France në Saint-Denis të enjten.
Skena kaotike mbretëruan të enjten vonë në Amsterdam, ndërsa mbështetësit e klubit izraelit të futbollit Maccabi Tel Aviv shkaktuan dhunë në rrugët e qytetit holandez, duke rrëzuar flamujt palestinezë në pronat private dhe duke bërtitur parulla nxitëse.
Incidentet ndodhën para dhe pas ndeshjes Maccabi-Ajax, me mediat që raportuan se tifozët izraelitë u përleshën me kalimtarët, vandalizuan pronat dhe dogjën flamujt palestinezë.
Tifozët e Maccabi nga Tel Avivi organizuan një demonstratë pro-izraelite në sheshin Dam para ndeshjes, duke ndezur pishtarë dhe duke brohoritur parulla.
Dhe me këto akte provokative nxitën reagimin vendas, i cili qe i dhunshëm në disa raste. Kjo i bëri që të bëjnë më pas viktimën, si çdo herë, duke thirrur në ndihmë, abuzivisht. Holokaustin. Dhe kjo ndërkohë që po ushtrojnë Holokaust në Gaza. /tesheshi.com/
