Ndihmës Sekretarja e Shtetit për Çështjet Evropiane dhe Euroaziatike Karen Donfried do të zhvillojë një vizitë pesë-ditore në Ballkanin Perëndimor, duke filluar nga e hëna, me Përfaqësuesin Special të Departamentit të Shtetit, Gabriel Escobar.
“Zëvendës Ndihmës Sekretari i Shtetit Gabriel Escobar do të shoqërojë Ndihmës Sekretarin e Shtetit në takimet në rajon”, tha një zëdhënës i Departamentit të Shtetit.
Donfried dhe Escobar do të mbërrijnë në Prishtinë të hënën dhe në Beograd të martën.
Më pas ai do të zhvillojë bisedime me zyrtarë nga Bosnje-Hercegovina, Maqedonia e Veriut, Shqipëria dhe Mali i Zi deri më 29 prill.
Siç ishte paralajmëruar edhe më herët nga Departamenti i Shtetit, Donfried do ta shfrytëzojë vizitën e saj në Kosovë për të diskutuar për konsolidimin demokratik të shoqërisë, integrimin në institucionet evropiane dhe euroatlantike dhe marrëdhëniet ndërmjet Kosovës dhe Serbisë.
Ndërsa në Tiranë do të shënohet 100-vjetori i marrëdhënieve diplomatike SHBA-Shqipëri, ku Donfried dhe Escobar do të falënderojnë Shqipërinë për partneritetin e saj në Këshillin e Sigurimit të Kombeve të Bashkuara dhe angazhimin e saj ndaj sovranitetit dhe integritetit territorial të Ukrainës përballë të agresionit rus. /tesheshi.com/
