Pas linjës ajrore Prishtinë-Beograd e anasjelltas, vendosur me diktat amerikan, Prishtina zyrtare vuri firmën dhe për linjën hekurudhore. Në Mynih, aty ku gjithë krerët e botës janë mbledhur për një konferencë tre-ditore, Thaçi e Vuçiçnën shkruan aktin “përafrues”, një tjetër fitore e Grenellit në rajon.
“Ambasadori Grenell të falënderoj për punën e shkëlqyer për këtë marrëveshje. Është një hap tjetër i arritur i progresit pas marrëveshjes së linjave ajrore Prishtinë-Beograd.
Marrëveshja e sotme për hekurudha dhe autostrada është mesazhi më i mirë që rajoni do të ketë paqe, zhvillim ekonomik, progres, vende të punës, pra ajo çka ju duhet njerëzve tonë në Kosovë dhe Ballkanin Perëndimor”, tha Thaçi, duke vijuar:
“Kjo është rruga që duhet të ndjekim në të ardhmen dhe të mos mbetemi peng i të kaluarës së hidhur mes vendeve dhe popujve tanë”.
Ishte Vuciç ai që më pas tha se “ajo që është nënshkruar është domethënëse për shkak të lirisë së lëvizjes, lëvizjes së mallrave, kapitalit, shërbimeve dhe njerëzve.
“Jam i lumtur që shoh përparimin sot dhe e falënderoj shumë Trumpin dhe Grenellin në emër të Serbisë, sepse të gjithë ne mendojmë se do të kemi një të ardhme më të mirë se kjo dhe që do të sigurojmë paqe për dekadat e ardhshme”, tha presidenti serb.
Por kujtojmë se në lidhje me Schengenin rajonal, Thaçi ka gjykuar me tjetër standart. Ai nuk ka pranuar të ulet me Vuçiçin, me shkakun se ky i fundit mohon krimet serbe. /tesheshi.com/
