Dy shtetase ukrainase, Antonina Kozachenko, 25 vjeçe dhe Anastasia Lopukhova, 40 vjeçe, janë gjetur të vdekura këtë të premte në zonën e Selvisë në Tiranë.
Trupat e pajeta të dy vajzave janë gjetur në një banesë private në Rrugën e Dibrës.
Sipas informacioneve paraprake të Policisë, ka dyshime ato kanë konsumuar mbidozë ilaçesh me përmbajtje lëndësh narkotike.
Pritet kryerja e autopsisë për të hedhur më shumë dritë mbi ngjarjes.
“Më datë 10.05.2024, rreth orës 13:35, në Rrugën e Dibrës, në banesë, janë gjetur nga shoqja e tyre e dhomës, pa shenja jete shtetaset ukrainase A. K., 25 vjeçe dhe A. L., 40 vjeçe.
Paraprakisht dyshohet se dy shtetaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike.
Është ngritur grupi hetimor së bashku me ekspertë të ADN-së dhe Ekspertimeve Biologjike pranë Institutit të Policisë Shkencore të cilët ndodhen në vendngjarje dhe po punojnë për sqarimin e rrethanave të ngjarjes”, njofton policia.
Dy femrat dyshohet se punonin si punonjëse seksi.
Të dyja kishin mbërritur në Shqipëri pak ditë më parë dhe qëndronin në një apartament me qira ditore në zonën e ‘Selvisë’ me një mikeshë, e cila kishte ardhur në vend rreth dy muaj më parë. Ishte kjo e fundit që gjeti trupat e pajetë të 25 dhe 40-vjeçares në banesë. /tesheshi.com/
