Një tragjedi e rëndë ndodhi të shtunën në familjen Haliti nga Gjilani, ku tre anëtarët e së cilës (nëna dhe djali me bashkëshorten) dhanë frymën e e fundit në Shqipëri, ardhur përfundjavë.
Dyshohet se ata kanë mbledhur kërpurdha dhe pasi i kanë konsumuar në banesën e tyre në Gjirin e Lalëzit janë helmuar. Pas kësaj ngjarjeje të rëndë policia ka proceduar penalisht për veprën penale “Mjekim i pakujdesshëm” dy mjekë.
Njoftimi i plotë i policisë:
Specialistët për Hetimin e Krimeve në Stacionin e Policisë Manëz, kanë proceduar penalisht për veprën penale “Mjekim i pakujdesshëm”, shtetasit Sh. B., 54 vjeç dhe J. K., 60 vjeç, banues në Durrës, me detyrë mjek në qëndrën shëndetësore Manëz, pasi si pasojë e përkeqësimit të shëndetit kanë ndërruar jetë shtetasit kosovarë E. H., 78 vjeçe, A. H., 56 vjeç dhe F. H., 57 vjeçe (famijarë), të cilët nga hetimet paraprake dyshohet se këta shtetas kanë mbledhur kërpurdha dhe pasi i kanë konsumuar në banesën e tyre në Gjirin e Lalëzit janë helmuar.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Djali i çiftit Afrim dhe Ferdinaze Haliti, Haki Haliti tha se varrimi i prindërve dhe gjyshes do të bëhet gjatë së dielës, në kohën e faljes së namazit të Ikindisë në 16 e 30.
Ai gjithashtu ka njoftuar se në ora 11 do të flasin para mediave tek shtëpia e tyre në Gjilan për të treguar gjithë çfarë dinë për rastin. /tesheshi.com/
