Kërkimi për dy anëtarët e familjes Kennedy që u zhdukën në Gjirin Chesapeake në bregdetin e Amerikës Lindore është pezulluar, tha Garda Bregdetare e SHBA.
Dyshohet se Maeve Kennedy McKean, mbesa e senatorit amerikan Robert F. Kennedy dhe djali i saj 8-vjeçar, Gideon, janë zhdukur pas një udhëtimi me varkë në Gjirin e Chesapeake.
Zyrtarët e Rojës Bregdetare të SHBA-së kanë marrë një raport që “dy persona u panë duke provuar të arrijnë bregdetin” 16 milje në jug të Annapolis, Maryland dhe se ata “nuk u panë më”, sipas një deklarate të lëshuar të premten.
Hetimet fillestare tregojnë se varka mund të ketë përmbysur ndërsa po përpiqej të arrinte bregun, raportoi NBC. Kërkimi zgjati më shumë se 26 orë dhe u kontrollua 5,887 kilometra.
Kathleen Kennedy Towsend, nëna e të zhdukurve, tha se vajza e saj i kishte kushtuar jetën për të ndihmuar më të prekurit në shoqëri.
Maeve McKean këshilloi administratën e Obamës për programin global të AIDS-it dhe u bë vullnetare për forcat paqeruajtëse në Mozambik.
Familja Kenedi ka pësuar shumë tragjedi: Gjyshi Robert F. Kennedy dhe xhaxhai i nënës së saj, ish -Presidenti John F. Kennedy, u vranë dhe John F. Kennedy Jr. dhe gruaja e tij Carolyn, humbën jetën në një rrëzim avioni. /tesheshi.com/
