Duket qartë nga përbërësit që nuk është receta më pak kalorike në botë por, në fund, na shijon të gjithëve prandaj edhe mund t’ia lejojmë vetes një herë në të rrallë.
Përbërësit:
1 kg patate
400-500 gramë mish viçi të freskët, të grirë
150 gr gjalpë
Pana
3 vezë
1 të bardhë veze
50 gr parmixhan të grirë
Pak uthul të bardhë
30 gr bukë të grirë
Hudhër
Sherebelë
Arrëmyshk
Kripë, piper
Përgatitja:
Pastroni dhe zieni patatet. Hiqini lëkurën dhe shtypini për t’i shndërruar në pure. Shtojini puresë pak gjalpë, arrëmyshk dhe panën. Rregulloni shijen me kripë e piper.
Hidhni po aty të verdhat e vezëve dhe djathin e grirë parmixhan. Rrihni të bardhat vezëve veç dhe vijoni t’ia shtoni puresë duke e përzier vazhdimisht. Gjysmën e masës së puresë, shtrojeni në një tavë ku keni vendosur më parë pak bukë të grirë.
Kaurdiseni mishin e grirë në një tigan me pak hudhër dhe sherebelë. Shuajeni me uthullën e bardhë dhe pasi të ketë avulluar alkooli, hiqeni nga zjarri.
Vendoseni mbi shtresën e puresë dhe shtoni shtresën tjetër të saj. Sipër mund të shtoni pak bukë të grirë dhe nëse ju ka tepruar, pak parmixhan.
Shijen me kripë dhe piper e rregulloni sipas preferencës. Piqeni në furrën e parangrohur për rreth 30 minuta. /tesheshi.com/
