Anijet e vjetra dhe të keqmbajtura që transportojnë mallra dhe naftë ruse nën flamurin e vendeve të treta përbëjnë një kërcënim serioz për bregdetin e Detit Baltik, pavarësisht sanksioneve të vendosura për shkak të luftës në Ukrainë.
Anijet e vjetra dhe të keqmbajtura që transportojnë mallra dhe naftë ruse nën flamurin e vendeve të treta përbëjnë një kërcënim serioz për bregdetin e Detit Baltik, pavarësisht sanksioneve të vendosura për shkak të luftës në Ukrainë, shkruan të shtunën Bild.
Organizata mjedisore Greenpeace publikoi së fundmi një listë me 192 cisterna të rrënuara që transportonin naftë bruto nga portet ruse në mbarë botën.
Nga ky numër, deri në 171 anije kanë kaluar nëpër Detin Baltik në dy vitet e fundit.
Shumë nga këto anije janë në gjendje të keqe dhe shpesh çaktivizojnë sistemet e identifikimit për të shmangur mbikëqyrjen.
Organizata paralajmëroi se një aksident që përfshin një nga këto anije mund të kërcënojë seriozisht të gjithë bregdetin gjerman të Detit Baltik.
Shoqata e pronarëve gjermanë të anijeve theksoi se këto anije mbartin me vete rreziqe të konsiderueshme për sigurinë detare.
Për më tepër, cisternat ruse shpesh nuk kanë sigurim adekuat kundër fatkeqësive mjedisore.
Thilo Maack i Greenpeace kërkon që këto anije të rrënuara të vendosen në listën e sanksioneve të BE-së dhe se autoritetet gjermane duhet të veprojnë urgjentisht për të parandaluar një fatkeqësi të mundshme. /tesheshi.com/
