Një gjykatë në Palma de Mallorca ka dënuar një tifoz të Mallorca-s, i cili ofendoi në mënyrë racore Vinicius Junior, një lojtar i Realit, gjatë një ndeshjeje në shkurt të vitit të kaluar.
Tifozi fillimisht u dënua me një vit burg, por më pas u fal për shkak se i dërgoi një letër faljeje futbollistit brazilian.
Por veç Realit, ai tifoz u raportua edhe nga Villarreali sepse në shënjestër të fyerjeve racore ishte edhe Samuel Chukëueze, lojtari i atëhershëm i atij klubi.
I dënuari i tretë për racizëm
Tifozi i Mallorca-s është tashmë personi i tretë i dënuar në Spanjë në muajt e fundit për racizëm. Ai u ndalua nga stadiumet e futbollit për tre vitet e ardhshme, dhe tashmë është i përfshirë në programin për barazi dhe luftë kundër diskriminimit.
Real Madridi e shpalli zyrtarisht këtë dënim, si dhe atë të vendosur ndaj tifozit që ofendoi në mënyrë racore edhe lojtarin francez Aurelien Tchouameni. Ai u gjobit dhe u ndalua nga stadiumet e futbollit për një vit. /tesheshi.com/
