Një statujë e Gjeneralit Konfederal Robert E. Lee u hoq në Charlottesville, Virginia, të shtunën, gati katër vjet pas protestave të supremacistëve të bardhë kundër planeve të largimit, në të cilat një person u përplas nga një makinë.
Të mbledhurit festuan ndërsa statuja u fut në kamion dhe u mor me vete.
Zyrtarët e qytetit përshëndetën ata që u mblodhën nga ora 6:00 e mëngjesit në statujën në Parkun e Rrugës së Tregut.
Statujat kushtuar liderëve të Konfederatës skllavopronare janë bërë fokusi i protestave kundër racizmit në vitet e fundit.
Pas heqjes së statujës së Lee, një statujë e Gjeneralit Konfederal Thomas “Stonewall” Jackson në një park tjetër të qytetit do të hiqet gjithashtu, tha zëdhënësi i Këshillit të Qytetit Brian Wheeler.
Për shkak të heqjes së planifikuar të statujës së Lee në 2017, një protestë u organizua nga neo-nazistët dhe supremacistët e bardhë.
Makina përplasi një grup anti-protestues të mbledhur, ku si pasojë u vra 32-vjeçarja Heather Heyer.
Disa javë më vonë, Këshilli i Qytetit Cahrlottesville unanimisht urdhëroi heqjen e statujës së Jackson.
Qytetarët, përfshirë degën e Virxhinias të Bijve të Veteranëve të Konfederatës, kanë paditur Charlottesville për planet e largimit.
Gjykata e Lartë e Virxhinias vendosi në prill që qyteti mund të hiqte monumentin.
Autoritetet kanë vendosur gardhe mbrojtëse dhe është vendosur një ndalim parkimi rreth parkut përpara heqjes së statujave, tha deklarata.
I pyetur nëse qyteti kishte ndonjë njohuri për protestat e planifikuara, Wheeler u përgjigj: “Një tregues se si ndihemi është fakti që ne po ftojmë publikun të bashkohet me ne në park”.
“Ne mendojmë se shumë anëtarë të komunitetit tonë me të vërtetë duan të jenë atje për ta parë atë,” shtoi ai. /tesheshi.com/
