Kike Garcia është shndërruar në blerjen më të shtrenjtë të bërë ndonjëherë në historinë e klubit spanjoll Eibar, mirëpo futbollisti duhet të presë sezonin tjetër për të debutuar me ekipin nga Ipurua. Shkak për këtë është bërë mos kompletimi i dokumenteve brenda afatit kalimtar.
Skuadra në të cilën luante paraprakisht sulmuesi Middlesborugh, ka vonuar dorëzimin e dokumenteve duke i dorëzuar ato pas mbylljes së afatit kalimtar, e më saktësisht në orën 00:01. Ky është një rast i ngjashëm sikurse në situatën me gardianin spanjoll De Gea, me të cilit iu pamundësua kalimi tek Real Madrid.
“Jemi shumë të lumtur për këtë transferim, megjithëse nuk kemi arritur ta zyrtarizojmë brenda kohës së caktuar. Kishte skuadra të cilat kishin paraqitur ofertat e tyre më të mëdha se ne, mirëpo vetë futbollisti dëshironte të vinte tek ne dhe kjo është me rëndësi”, tha Fran Garagarza, drejtor sportiv i skuadrës Eibar. /tesheshi.com/
