Koreja e Veriut përsëri ka akuzuar Seulin zyrtar se po sillet “pa kuptim” kur bëhet fjalë për denuklearizimin, dhe nga ana tjetër është duke forcuar potencialet e saj ushtarake, raportoi AP.
Në muajt e fundit, Koreja e Veriut ka pezulluar pothuajse plotësisht bashkëpunimin me Korenë e Jugut, e cila ka shprehur shqetësimin për ngërçin në bisedimet bërthamore të Koresë së Veriut me Shtetet e Bashkuara.
Ministria e jashtme e Koresë së Veriut lëshoi një deklaratë së fundmi duke thënë se besimi në Korenë e Jugut ishte tronditur dhe duke shpallur “kohë të vështira për t’u penduar”.
Shtetet e Bashkuara duhet të japin diçka konkrete në kthim
Pas samitit të tretë të suksesshëm Kim-Trump në kufirin e Koresë së Jugut dhe të Veriut, takimi i rradhës SHBA-Koreja e Veriut në tetor të vitit të kaluar në Suedi dështoi për shkak të, siç u formulua në Pheniani, nga “qëndrimi dhe sjellja e vjetër amerikane”.
Në përvjetorin dy-vjeçar të samitit të parë Trump-Kim, ministri i Jashtëm i Koresë së Veriut, Ri Son-gwon tha se ai kurrë nuk do të lejojë që Trump të shënojë pikë pozitive vetëm për politikën e jashtme të SHBA përmes një takimi me Presidentin Kim.
Nëse ata duan të vazhdojnë negociatat, SHBA do të duhet të dëshmojnë se është gati të japë Korenë e Veriut diçka konkrete në kthim. /tesheshi.com/
