Trashëgimtarët e Lee Kun Hee, president i gjigantit telekomunikues Samsung, i cili vdiq në tetor të vitit të kaluar, do të paguajnë më shumë se 10.8 miliardë dollarë në një taksë marramendëse trashëgimie.
Familja e Lee tha të mërkurën përmes Samsung Electronics se taksat e trashëgimisë do të arrijnë në më shumë se gjysmën e vlerës së aseteve totale të Lee Kun Hee, duke shtuar se shuma e taksës është “një nga më të mëdhatë në Korenë e Jugut dhe globalisht”.
Sipas familjes, shuma është tre deri në katër herë më e lartë se të ardhurat totale të qeverisë së Koresë së Jugut nga taksa e pasurive të patundshme në vitin 2020.
Do të jetë taksa më e madhe në historinë e Koresë së Jugut, njoftoi Yonhap.
Ai ishte njeriu më i pasur në Korenë e Jugut
Familja ka njoftuar se ata do të paguajnë shumën në gjashtë këste në pesë vjet, duke filluar nga ky muaj.
“Eshtë detyra dhe përgjegjësia jonë qytetare të paguajmë të gjitha taksat,” thanë ata.
Trashëgimtarët gjithashtu thanë se do të dhuronin më shumë para për “përpjekjet për të ndihmuar kapërcimin e sëmundjeve infektive, kancerin tek fëmijët” dhe rreth 23,000 vepra arti, duke përfshirë vepra nga Marco Chagall, Pablo Picasso dhe Claude Monet.
Deklarata nuk tha se si do të ndahet trashëgimia brenda familjes, e cila përfshin aksione në Samsung Electronics.
Lee Kun Hee, i cili ka qenë njeriu më i pasur në Korenë e Jugut që nga viti 2009, trashëgohet nga gruaja, dy vajzat dhe një djalë. /tesheshi.com/
