Ditët e verës kërkojnë ushqime të lehta dhe të freskëta dhe ju do ta adhuroni këtë supë. E përshtatshme për gjithë familjen dhe mbi të gjitha për fëmijët tuaj.
Përbërësit:
300 g domate
një dorë rukola
1 spec i kuq
1 thelb hudhër
2 kungulleshka
1 trangull
1 limon
pak kripë dhe piper i zi
2 gota ujë të ftohtë
pak borzilok
Përgatitja:
Pastroni specin nga farat, qëroni trangullin dhe hudhrën dhe së bashku me perimet e tjera vendosini në një blender. Shtoni kripë, piper, lëngun e limonit dhe ujin. Bluajini derisa të përfitoni një krem të trashë.
Filtrojeni kremin me një sitë, provojeni nëse ka nevojë për kripë dhe piper të zi.
Shërbejeni me bukë të thekur, vaj ulliri ekstra të virgjër sipër dhe gjethe borziloku. /tesheshi.com/
