Hamburgu, Frankfurti dhe Berlini kanë mbetur pa internet. Kjo është një zonë mjaft e rëndësishme për Gjermaninë, por që me orë të tëra kanë mbetur pa internet, telefon dhe tv.
Deutche Telekom, kompania që merret me komunikimet e miliona klientëve në Gjermani ka pranuar se me shumë gjasa ky problem ka ndodhur për shkak të një sulmi nga ndonjë haker.
Lajmi u bë i ditur me anë të twitterit. Që nga dita e djeshme teknikët po punojnë për zgjidhjen e problemit, ndonëse kjo po zgjat më shumë se sa ishte menduar.
Kjo nuk është hera e parë që Telekomi përballet me probleme të tilla. Qershorin e kaluar, një tjetër blackout nxori jashtë përdorimi rrjetin e vendit. Për momentin kompania u ka kërkuar klientëve që ta fikin e ta ndezin ruterin në pritje të zgjidhjes së problemit. /tesheshi.com/
