Një zbulim i ri i terapisë gjenetike mund të jetë një revolucion shkencor. Bëhet fjalë për plakjen, një temë që është bërë shpesh objekt studimesh. një eksperiment i bërë te mijtë ka bërë të mundur të zbulohet se si këta brejtës janë në gjendje ta kthejnë mprapsht procesin e plakjes nëse i nënshtrohen një trajtimi të caktuar.
Studimi është përqendruar në faktin se plakja përcaktohet nga gjenetika. Pra një lloj ore e brendshme, e cila në një farë kuptimi është riprogramuar tek minjtë. Rezultati ka qenë një regresion i degjenerimit qelizor në pak javë. Praktikisht, pas trajtimit të bërë, minjtë kanë pësuar një përmirësim të shëndetit kardiovaskular dhe të kollonës kurrizore. Bëhet fjalë për një rritje të pritshmërive jetësore me 30 për qind.
Studiuesi Juan Carlos Belmonte ka arritur të sjellë qelizat e rritura të pjesëve të ndryshme të trupit në një gjendje embrionale. Praktikisht, qelizat janë transformuar ne qeliza më të reja. Vetëm 15 ditë pas trajtimit, minjtë kishin një lëkurë më elastike dhe një tonifikim muskulor më të mirë. Mirëpo, për tani ky lloj trajtimi nuk mund të aplikohet te njerëzit. /tesheshi.com/
