Nuk është çudi që arrat janë ndër pemët më të respektuara në popull. Një studim i publikuar së fundmi ka zbuluar se arrat janë mbrojtësit më të mirë të shëndetit të zemrës. Arrat janë të pasura me lëndë ushqyese të tila si: omega3; omega6; magnez; vitaminë 6, mangan, bakër, zink, fosfor, hekur etj.
Një studim i Dr. Penny Kris Etherton shpjegon se konsumimi i vetëm një grusht arrave pesë herë në javë, ulë rrezikun e sëmundjeve të zemrës për 40%. Studimi kishte gjetur se personat që konsumojnë arra në mënyrë të rregullt, përmirësojnë ndjeshëm nivelin e kolesterolit në gjak dhe i bëjnë më fleksibile enët e gjakut të cilat ndihmojnë në qarkullimin e gjakut pa probleme.
Hulumtimi kishte vëzhguar 15 njerëz me nivel të lartë të kolesterolit të cilët kishin pasur për detyrë të konsumojnë nga 7 arra, 5 herë në javë. Rezultatet e hulumtimit treguan se ndikimi i parë në organizëm kishte ardhur pas vetëm 4 orësh nga konsumimi i tyre, ku ishte vërejtur përmirësim i fleksibilitetit të enëve të gjakut.
Ndërsa ndikimi në uljen e nivelit të kolesterolit ishte vërejtur në periudha më afatgjata. Autori i studimit shton se duke konsumuar vetëm 35 arra në javë, ju do të jeni në gjendje të ulni nivelin e kolesterolit në gjak dhe të reduktoni mundësinë për tu prekur nga sulmi në zemër./tesheshi.com/
