Spitali ushtarak lundrues me 1000 shtretër, USNS Comfort, ka mbërritur në New York për të lehtësuar presionin mbi spitalet për shkak të valës së infeksioneve koronare, raporton AFP.
Anija, me 1.200 mjekë dhe staf tjetër mjekësor dhe 12 salla operative, do të ofrojë kujdes intensiv për pacientët që nuk preken nga virusi, për të lejuar që spitalet të përqëndrohen në Covid-19.
Kryetari i bashkisë Bill de Blasio përshëndeti ardhjen e anijes.
“Fakti që Marina është këtu dhe ushtria është këtu për të ndihmuar Njeë York-un në kohën kur i duhet qytetit tonë, është shumë e rëndësishme,” i tha ai CNN ndërsa anija lundronte në Manhattan.
New York-u, epiqendra e epidemisë në Shtetet e Bashkuara të Amerikës me më shumë se 33,000 pacientë dhe 776 vdekje, sipas të dhënave më të fundit të “Johns Hopkins”.
Katër qendra të tjera mjekësore në qytet janë licensuar të marrin pacientë për të lehtësuar spitalet që kanë qenë të mbushura me njerëz ditët e fundit.
Shtetet e Bashkuara janë vendi me numrin më të madh të rasteve të konfirmuara, më shumë se 143,000 dhe 2.500 vdekje, sipas universitetit “Johns Hopkins”. /tesheshi.com/
