Një shuplakë e rëndë për ish- kryetarin e RDK-së, Rufi Osmani nga kryetari aktual i kësaj partie, Vesel Memedi. I ftuar si mysafir në emisionin “Mejdani”, i pari i RDK-së, Memedi përveç që ka folur për qëllimet e kësaj partie dhe angazhimin e saj në ndryshimet politike që ky subjekt ka për synim t’i bëjë në politikbërjen në Maqedoni, ai po ashtu komentoi edhe dorëheqjen e kryetarit të mëparshëm dhe të themeluesit të RDK-së, Rufi Osmani.
Sipas tij RDK në krye me Rufi Osmanin ishte para falimentimit, ndërsa me ardhjen e tij në krye të kësaj partie RDK është më e fortë se kur.
“Unë do të duhet ta pranojë se nuk është ndonjë sekret i madh kjo punë. Kur kam marrë në dorë RDK- në, RDK-ja ishte para falimentimit. Krejt e dijnë këtë. Pas zgjedhjeve të 2014-ës ne ishim të parët që nuk i pranuam zgjedhjet. Prej atij momenti Rufi Osmani dha dorëheqje nga i pari i partisë dhe ne kishim 6 muaj moratorium dhe kjo, normalisht se moratoriumi është komplikim në vete. Në momentin kur unë kam marr në dorë partinë ishte para falimentimit. Bile, bile të jem edhe më i sinqertë ideja e prof. Rufi Osmanit ishte ta mbyllim këtë proces sepse nuk shkon, nuk na don populli, nuk na don s’ke çka bënë. Kjo punë nuk shkon me zor. Por, anëtarësia , votuesit tonë na lutnin çdo ditë që ta vazhdojm këtë proces, aq sa kemi mundësi për ta vazhduar këtë proces. Dhe unë kur e kam marr këtë parti të jem i pari, e kam marrë me këtë situatë. Prej atij momenti sot RDK-ja është bërë një parti respektibile. Duke e përfshirë edhe Aleancën për Shqiptarët është fuqizuar fuqishëm. Do të thotë nga një moment falimentimi, tani RDK-ja është shumë e respektuar në mjedise të ndryshme të Maqedonisë”, ka deklaruar Veseli.
/tesheshi.com/
