USS Ramage, shkatërruesi i raketave të komanduara, mbërriti në Shqipëri për një vizitë portuale të rëndësishme.
Ministri i Mbrojtjes, Niko Peleshi u shpreh sot se, kjo vizitë është një tregues i angazhimit të SHBA për të thelluar partneritetin me Shqipërinë në fushën e mbrojtjes dhe për të ndihmuar në sigurinë dhe stabilitetin e rajonit.
Komandanti i USS Ramage, Tim Yuhas, bëri një prezantim mbresëlënës për marinën shqiptare te homologët e tij, duke theksuar se marrëdhënia midis dy vendeve është ndërtuar mbi një themel të vlerave, përvojave dhe vizionit të përbashkët.
Shkatërruesi i raketave “USS Ramage” mbërriti në Durrës këtë javë për një vizitë portuale të planifikuar, në kuadër të bashkëpunimit Shqipëri-SHBA në fushën e mbrojtjes.
Ambasada e SHBA-së në Tiranë bëri të ditur se kjo vizitë përmirëson partneritetin SHBA-Shqipëri në mbrojtje dhe ndërveprimin e vazhdueshëm si aleatë në NATO. /atsh/
