PD e ka përjetuar si “lajm të mirë” faktin që kruebashkiaku socialist i Mallakastrës, pasm disa verifikimesh, ka rezultuar i dënuar më parë në Greqi për rrahje.
“Sot kemi një lajm të mirë! Një tjetër burgaxhi i Edi Ramës do të largohet nga qeverisja. Megjithëse me 1një vit e gjysëm vonesë, u provua vërtetësia e qendrimit të Partisë Demokratike se Kryebashkiaku ilegjitim i Mallakastrës, Qerim Ismailaj, është i dënuar me burg në Greqi dhe se ai e ka fshehur këtë fakt në formularin e dekriminalizimit”, tha nr. 2 i PD-së, Gazmend Bardhi.
Më herët, Prokuroria e Përgjithshme doli me një deklaratë për rastin duke sqaruar se “Referuar vendimit 9-11/2000 të Gjykatës së Përbërë nën Betim të Chios, i formës së prerë, rezulton se i akuzuari Qerim Ismailaj (në mungesë në gjykim), është deklarua fajtor dhe është dënuar me 3 (tre) vite burgim për veprën penale të ‘Konfliktit” dhe ‘Përleshjes’, parashikuar nga neni 313 i Kodit Penal të Republikës së Greqisë, që korrespondon veprës penale të ‘dëmtime të tjera me dashje’ parashikuar nga ne 90/1 të Kodit Penal të Republikës së Shqipërisë, e cila si sanksion parashikon dënim vetëm me gjobë”.
Tashmë i takon KQZ-së të vendosë për Ismailin nëse duhet të qnëdrojë në detyrë ose jo. /tesheshi.com/
