Colette Maze ka luajtur në piano për më shumë se 100 vjet, ka qindra fansa në rrjetet sociale, dhe së shpejti do të publikojë albumin e saj të shtatë, “108 Years of Piano”.
Ajo ka lindur më 16 qershor 1914, para shpërthimit të Luftës së Parë Botërore. Kur një nga kompozitorët e saj të preferuar, Claude Debussy, ishte ende gjallë, pianistja franceze luante për katër orë çdo ditë. Në apartamentin e saj në Paris me pamje nga lumi Seine, Maze e ka ruajtur entuziazmin e saj rinor.
“Jam e re”, thotë ajo duke buzëqeshur. “Nuk më intereson mosha, ka njerëz që janë përjetësisht të rinj, të mahnitur nga gjithçka, dhe ka nga ata që nuk u intereson asgjë dhe nuk kanë dashur kurrë asgjë, as mashkull”, shton ajo.
Maze ishte mësuese pianoje për pjesën më të madhe të jetës së saj, dhe vetëm pasi mbushi 100 vjeç ajo filloi të zgjeronte rrjetin e saj të fansave përmes faqes së saj në Facebook.
“Ajo u jep njerëzve forcë, prandaj ka një sukses kaq të çmendur”, tha djali i saj, gazetari Fabrice Maze.
Ajo ende e mban mend oshëtimat e armëve gjermane në Luftën e Parë Botërore, por shumica e kujtimeve të saj sillen rreth pianos, pasionit të saj.
“Piano është jeta ime, miku im, duhet ta ndjej dhe ta dëgjoj”, shton ajo. /tesheshi.com/
