Nenad Rashiq nga Lista Serbe thotë se lideri i PDK-së, Hashim Thaçi, është kandidat i duhur për pozitën e presidentit.
Ai thotë se nuk sheh ndonjë person tjetër që ka autoritet politik t’i përgjigjet kësaj pozite.
“Në këtë moment ky është mendimi im individual. Personi me më shumë autoritet si politikan në Kosovë,nuk e shoh ndonjë person tjetër, i cili në këtë moment që me autoritet politik, mund t’i përgjigjet këtij niveli apo këtë pozitë. Unë e di që ndoshta është në njëfarë forme simbolike. Por kryetari apo presidenti i mirë, mund të bëjë shumë çka për imazhin e vendit”, tha Rashiq.
Pra, edhe serbët po rreshtohen krah Thaçit në ambicien e tij të pandryshuar për t’u bërë president i Kosvës. Duhet thënë se për ta mbërritur këtë post të lartë politik, Thaçi shkoi e bëri aleancë me “armiqtë” e tij të LDK-së, ku, edhe pse humbi postin e kryeministrit, sërish nuk u largua nga pushteti, duke marrë premtimin për t’u votuar si president. /tesheshi.com/
